மதிகெட்ட மத்தியஅரசும், அரசாங்கத்துக்கு(ஆரோக்கியம் பற்றி) ஆலோசனை கூறும் மதியில்லா அரசியல் ஆலோசகர்களும்(பாகம்1)
அன்புள்ள பதிவு வாசகர்களே,
என்ன இந்தப் பதிவின் தலைப்பு இவ்வளவு கடுமையாக இருக்கிறதே என்று பார்க்கிறீர்களா?முதலில் இப்படி தலைப்பு அமைத்ததற்காக என்னை மத்திய அரசாங்கம் மன்னிக்கவும்.
ஆனால் இப்படி தலைப்பு அமைக்கக் காரணமாக விளங்கும் அளவுக்கு மத்திய அரசின் செயல்பாடுகள் மக்களின் நலனைப் பொறுத்தவரை மிக முட்டாள்தனமாகவும், மோசமாகவும், அமைந்துள்ளன.அதன் விளைவோ மிகக் கொடூரமானது.தெரியாது என்று இப்படி நடந்து கொண்டால்,தலைப்பு சரிதான், தெரிந்தே இப்படி அரசு நடந்து கொண்டால் அது கொடூரத்திலும் கொடூரம்.
இனி எங்க வீட்டில் இரண்டு பேருக்கு காய்ச்சல்,உங்க வீட்டில் எத்தனை பேருக்கு தலைவலி என்பது பழங்கதையாகி,எங்க வீட்டில் இரண்டு பேருக்கு புற்று நோய் ( CANCER ) , உங்க வீட்டில் எத்தனை பேருக்கு புற்று நோய் என்று கேட்பது சகஜமாகின்ற சூழ்நிலை உருவாகிவிட்டது . அதன் பாதிப்பு நம்மைக் கவ்வும் சூழ்நிலையும் உருவாகிவிட்டது.இந்தச் சூழ்நிலையை உருவாக்கி வரும் மத்திய அரசை நான் இப்படி அழைப்பது தவறில்லையே ????? இது பற்றி எச்சரிக்கை செய்யும் பதிவே இது.
நான் சொல்ல வரும் விடயம் என்டோ சல்பான் என்ற பூச்சி மருந்தையும்,அணு உலைகளால்தான் தன்னிறைவடைந்த மின் உற்பத்தியை எட்ட முடியும் என்று கூறிக் கொண்டு கொலைக் களங்களைத் (அணு உலைகளை) தயாரித்து வரும் மத்திய அரசின் போக்கைத்தான்.
இதன் மூலம் இவர்கள் சாதிக்கப் போவது, ஆளப்போவது மக்களையல்ல, மக்களின் சமாதிகளைத்தான் இவர்கள் ஆட்சி செய்யப் போகிறார்கள். அந்த அளவுக்கு பசுமைப் புரட்சி என்ற பெயரில் உற்பத்தி செய்து வருவது உணவையல்ல, விஷங்களைத்தான். ஒருவனை நஞ்சிட்டு கொல்வது குற்றமென்றால், மத்திய அரசு செய்து வருவது, என்டோ சல்பானை தடை செய்யாமல் விவசாயத்தின் மூலம் நஞ்சிட்டு பல பேரை கொல்லும் குற்றத்திற்கு துணை போவது வேறென்ன!!!!!!!!!!
மேலும் இந்தக் கட்டுரையைத் தொடரும் முன் இந்த இணைப்புகளைப் பார்வையிடுங்கள்.